星期五下班和工友晚飯,就開始了我這幾天好像很忙碌的假期

星期六是最好的,中午才起床,去了旺角逛街,晚上回教會參加培靈佈道會

星期日堂慶崇拜,都是馮牧師講道,兩天聽完都覺得有很大提醒和幫助.雖然不是佈道會,但馮牧師講道完結時都才出呼召,很高興阿柱媽媽決了志.下午教會有浸禮,不過我躲進會議室跟豆弟玩,豆弟還未夠一歲都肯讓我抱了很久.之後跟阿柱媽媽去了樂富探阿柱.晚上還去了順利比賽.

今天又是中午起床,去了紅磡度身做制服,但時新今天休息,沒有熱狗吃,只好回南山村吃通粉.回家後團友來電約打邊爐,邊吃邊講到10時多才回家.

過了一個很充實的週末,很久未試過星期五真的懷著興奮心情下班.星期五晚去了阿宏的婚宴,之前還去了時新買熱狗吃.除了婚宴本身值得高興,我們團友圍在一起吃飯就自然會有歡樂.

星期六下午和阿珊去沙田逛街,然後才返團契.選舉之後,黃生的一番肺腑之言,給我們很大的提醒.團契時肥鴻分享了一首很好的詩歌.唱的時候,一個個聖經人物及事跡,就好像MV一樣在我腦海浮現,很想真的製作這個MV,可惜我並不懂.完了團契就趕緊去西貢吃晚餐,又是一個愉快的晚上,不單止因為阿輝成功考到牌,看見大家都喜歡Welly哥哥為我們預備的大餐,我做安排的也放下心頭大石,不過要Welly哥哥在忙碌的星期六晚還要給我們18人打折,始終有點不好意思.

原以為這個星期日會過得和平時差不多,但唱詩時已覺得不一樣,但願感動人心的不是詩歌的旋律或豐富又有意思的歌詞.吃過午飯回了舊屋拿東西,本來打算拿了東西便去旺角逛街,但和阿珊一開著電視坐下梳化休息,便很快入睡.到Losa打電話來約晚飯才醒.之後去旺角快快的逛了一圈,而且在皆旺還買了一套Lego的圖冊.晚上補祝阿瑩生日,去了沙田的大排檔吃小菜.

三個晚上都吃得很飽,三餐的菜式,出席的人數,食肆的氣氛都不同,不約而同的是,三個晚上,三頓晚餐都吃得很開心,因為都是和我喜愛的弟兄姊妹一起.

因著信

憑信，他離別吾珥；因信，全然奉上愛子；
憑信，還有人全力抓住天使，贏到祝福、換了名字
憑信，他行近紅海；因信，連潮浪也分開；
憑信，曾有人被困於獅子坑內，仍敬拜上帝，發誓至死不改
在某天他下決心圍繞在城外，憑信放聲呼喊，城牆便倒塌下來；
又有先知被擄他方常在心裡靜待，仍確信上帝榮耀會回來
憑信，我們懷著憑據；因信，同尋著了應許；
憑信，能夠發現在世間只是寄居，朝更美家鄉走回去

If the Savior stood beside me

If the Savior stood beside me, would I do the things I do?
Would I think of His commandments, and try harder to be true?
Would I follow His example? Would I live more righteously
if I could see the Savior standing nigh, watching over me?

If the Savior stood beside me, would I say the things I say?
Would my words be true and kind if He was never far away?
Would I try to share the gospel? Would I speak more revrently
if I could see the Savior standing nigh, watching over me?

He is always near me, though I do not see Him there,
And because He loves me dearly, I am in His watchful care.
So I'll be the kind of person that I know I'd like to be
if I could see the Savior standing nigh, watching over me.

讓我感恩

讓我感恩，日夕是你施恩眷顧，
你對我的深恩厚愛，教我心穩固。

讓我感恩，遇患難你親手扶持，
賜我信心引領前程，我更渴想你。

祈求能一生與你接近，讓我忠心順服父神，
我渴想主愛，今我事奉永跟隨。
祈求能一生與你接近，榮耀永歸於主聖名，
讓我將身心交托在父你手裡。

回想5日4夜行程,原來都幾趕.

第一日搭零晨機,6點幾已經搵車搭,到Sunshine City都只係7點幾,因為未可以check in,所以keep d行李晌大堂.我地就開始行程.首先去Burger King食個早餐先.食飽就晌池袋搭東武東上線去埼玉縣川越市,買左觀光巴士一日週遊卷,可以任搭.行左到12點幾就行完,搭車返池袋,晌康龍食完拉麵,剛好夠鐘可以check in.安頓好行李之後,就落街晌池袋附近逛,Tokyu Hands, Seibu,唔經唔覺就行到8點幾,原本想去中野都冇去到.落左Seibu既超市買特價壽司,因為都只係8點左右,未係減得好勁,不過都已經好抵食.由於唔多夠瞓,所以好早就瞓喇.

第二日比預期遲左起身,連早餐都冇食就去搭車去入間outlet,去到都11點喇.因為9月底有感謝祭,比平時更加平,結果花左好多時間行.壽星女買左兩大袋,我就咩收獲都冇,唯一晌Laundry見到架好靚既單車,不過當然冇可能晌outlet買啦,留返睇下市區既Laundry會唔會有,到時再考慮啦.臨走時發現有另一條巴士線可以去到羽村站搭到車轉中央線,唔使返池袋先.所以就去返第一日去唔到既中野.一去到見到有間Uniqlo新開(同海港城果間一樣係之前果日開),仲有d限定優惠,於是唔理已經大包細包,兩個傻仔照迫入去.我卒之都買到野喇.買完就繼續行程,逛中野Broadway,好多格仔舖,一如所料車仔唔係好多,不過都有少少收獲.又見到一間書店,可能比較僻,好多雜誌都仲有貨,順利幫妹妹買到兩本即期既,再買埋本有關Yoshiki既書.個場本身賣二手野同玩具,兩個元素加埋,就出現一d好正既舖頭,就係錶舖,令我眼界大開既包括8百萬円既1680,同埋1千4百萬円既Comex X Rolex Submariner.行完中野都天黑喇,因為都係要搭中央線去新宿轉車至返到池袋,所以決定晌新宿食埋飯先.因為都8點,百貨公司都開始關門,加上兩個人好似走難咁,所以都唔週圍走,專心晌歌舞妓町搵杜如風介紹果間魚生飯.不過都搵到差唔多想放棄既時候至搵到.間舖頭有好多款飯,其實仲可以自由配搭,不過費事煩決定叫佢地既推介.真係唔錯,魚生又多,d飯又暖,食完好滿足.再去百果園食埋生果,就拖住d戰利品返集中營.

第三日,星期日行原宿感受熱鬧氣氛,不過d舖頭唔早開.所以一早安排會去睇一睇都電荒川線,不過所花既時間都唔多,於是臨時決定去一去銀座行下.去到銀座行左不二家,又食左大福,就差唔多時間落原宿.亦都買左唔少野,再慢慢行落涉谷.因為朝早搭山手線去原宿經過涉谷時見到附近有隻好大既史迪仔,趁天未黑沿住鐵路旁去搵.影完相,就返涉谷搵野食.出發前妹妹已經推介左呢間鐵板燒,好彩早上去,唔使等位,仲坐正晌bar檯前面.又係好滿足咁捧住個肚返酒店.返酒店之前,晌一間零食店瘋狂掃貨,又買左兩大袋.

第四日第一站就係去涉谷轉東急東橫線去橫濱日產既總壇,雖然我最愛既唔係日產,不過去到都覺得好正,仲買到我未有既Q車.之後就同阿珊去左另一個商場搵太陽之布專門店參觀人地既display方法.之前佢老細話會同日本果邊打個招呼先,點知去到表明身份同來歷,都唔俾拍照. 逗留左一陣就走喇,臨離開前見到文明堂既蛋糕幾靚,又買.搭返東急東橫線返東京,先晌自由之丘停留,逛下休閒既街,亦都去左另一間太陽之布專門店.再繼續行程返涉谷.又逛左一陣,去一蘭食拉麵,好食過康龍.後來返到池袋見Seibu就關門,又去超市望下,一望唔得了,d壽司平到唔信,結果又買返酒店食.一路執行李一路食,最後都係食唔晒.

行程最後一日,一如以往先去上野搵locker放行李.之後去築地好快咁行左一圈就去淺草,行到中午就去大黑家食天婦羅飯,黎東京咁多次都係第一次食.嘩,我個蝦天婦羅d蝦大到隊晒出黎,真係好正.食飽返上野行多陣就夠鐘去搭Skyliner,亦都意味住今次行程既結束.去到機場原本以為今次有錢剩咁慳家,點知去到見到Uniqlo有斷碼減價貨,連tee都有d幾靚既款(其他uniqlo已經冇tee賣,原宿間UT就唔知,因為冇行),結果都係要花費.

後記,個幾月前,因為馬沙受傷,舒麥加話會復出F1,燃起我想去睇新加坡站既比賽,但係search完價錢,發現原來同去東京差唔多,最後揀左去東京,當然埋單計既話東京會貴過新加坡好多.不過見壽星女咁開心,值得既.

後記2,上次同阿珊去東京係3年前,當時大家都係第一次去,我plan好晒行程,希望一切按時間表進行,但係女仔見到得意既舖頭又會睇下,結果做成磨擦.呢幾年,我去東京既次數唔少,自己想睇既野同埋既定行程變得冇上次咁重要,彈性大左,大家都玩得開心d.

後記3,返工唔記得係便服日,早知著件Lemoned風褸啦.有幾個熟客知我去旅行,所以特登都留左d零食請佢地食,結果午飯之後許小姐買左盒Cova西餅黎回禮.嚇到我幾乎唔敢請另外d客食野.